WILLEMSTAD - Minister di Finansa a reuní ku e grupo di trabou modernisashon lei di e-zone. Den e reunion aki a partisipá representante di Curinde, duana i ministerio di Desaroyo Ekonómiko. Meta di e grupo di trabou akí ta pa modernisá e lei di e-zone. E puntonan di agènda mas importante ta eliminashon de ‘red tape’, un régimen spesial pa impuesto, sektornan ku por establesé nan mes den e-zone i tambe e tarifa di impuesto riba ganashi, pa kompanianan establesé den e-zone. E próksimo reunion lo tuma lugá dia 25 di òktober 2022. Despues e grupo di trabou lo sigui reuní un biaha pa luna.