WILLEMSTAD.- Algun partido na Ulanda a kuminsá pone preshon riba gobièrnu ulandes pa aktua lihé i bin ku un plan pa salba koralnan den Karibe Ulandes. Entre esnan ku a presentá un moshon awe durante di un debate riba naturalesa den Parlamento ulandes, tin Groenlinks i D66.

E moshon ku a keda presentá ta tuma na konsiderashon ku naturalesa i sigur e naturalesa bou di awa ta motor ekonómiko pa Karibe ulandes. Den mesun rosea mester tene kuenta ku no tin sistema di riolering, krio di bestia ku ta kana rònt i eroshon ku ta hasi daño na koralnan.

Ministerio di Agrikultura, Naturalesa i Kalidat di alimento ta esun finalmente responsabel pa implementashon i ehekushon di shete tratado internashonal ku ta trata protekshon di naturalesa di e islanan. Wageningen Marine Research resientemente a konkluí ku e estado di naturalesa ta moderá te bastante desfaborabel i ku e maneho pa atendé e menasanan no ta dunando muchu fruta.

Ta for di 2017 e ministerio ariba menshoná mester a traha riba un plan di medio ambiente pero te ainda nada.

E frakshonnan ta proponé pa hasi uso di fondonan di e kartera di region pa kubri e gastunan i ta urgi gobièrnu ulandes pa mas tarda den di tres kuartal di 2019 pa presentá un plan integral kon ta bai skapa koralnan den ulandes.