WILLEMSTAD.- Señor Mr. S.A. Sigmar Carmelia a keda nombra komo presidente di korte komun di hustisia. E nombramentu ta drenta na vigor riba e dia ku e Dekreto Real (Koninklijk Besluit) keda firma. E konseho di minister di reino a duna su aprobashon pa e proposishon pa e nombramentu aki, riba kontesta di e sekretario di estado di Hustisia i Seguridat, Teun Struycken van Bruggen.

E nobo presidente, mr. Carmelia, ta for di 2014 miembro (sustituto) di korte komun di hustisia. Promé ku esaki, den kuadro di su formashon, el a traha komo hues sustituto i ‘kanton rechter’ na e korte di Gelderland, komo abogado i komo konsehero hurídiko na e kolegio di derechinan humano.

E ta sigui mr. Mauritsz de Kort, ku tabata presidente di e korte komun di hustisia te ku 4 di novèmber 2025. Mr. De Kort a ser nombrá komo gobernador di Kòrsou.