WILLEMSTAD.- Ayera den oranan di atardi, ambulans a keda dirigí ku urgensia pa Rondeklipweg pa duna asistensia na un hóben ku a resultá heridá.

Ta trata aki di un mucha ku a keda alkansá pa un vehíkulo i a keda pegá bou esaki. For di lokual por a komprondé na e sitio, dos vehíkulo pa motibunan deskonosí a aksidentá i durante e aksidente, un di e vehíkulonan a bai dal un hóben ku tabata kantu di kaminda.

E hóben a resultá seriamente heridá debí na e impakto. Ku yudansa di ekiponan spesial a hisa e vehíkulo pa asina saka e mucha.

Despues el a keda transportá pa departamento di emergensia di CMC pa tratamentu médiko avansá.