ROTTERDAM.- Informashon di último momentu ta indiká ku un ratu pasá outoridatnan mester a atendé un kaso di tiramentu na un skol na Rotterdam. Polis ta informá ku un mucha muhé di 16 aña di edat a pèrdè su bida den e aksidente aki.

Segun informashonnan, e kaso di tiramentu a tuma lugá na Designcollege Rotterdam unda segun informashonnan ta un hòmber di 31 aña lo a tira e hóben di 16 aña na e área unda ta warda baiskel di skol na Essenburgstraat na Rotterdam. Polisnan a detené e hòmber di 31 aña na Bergselaan despues di un ratu. E damita ta di e área di Rotterdam i lo tabatin un relashon ku e sospechoso.

Segun muchanan di skol, e hóben tabata den klas 4 di e Designcollege i e hòmber di 31 aña lo ta su eks. Ambulans ku a yega na e sitio a trata na yuda e hóben praktikando reanimashon, pero no a logra.