WILLEMSTAD.- Djabièrnè último muchanan di skol Mirna Dovale tabatin un mainta hopi ameno na Rancho de Herberg, kaminda ku e muchanan por a kore riba “pony” i kabai. Nan a kana wak e bestianan ku tin na e Rancho aki. E muchanan a gusta asina tantu ku nan no tabata ke a bai for di e Rancho. Tabata realmente un mainta plasentero ku e muchanan a disfrutá di dje. Riba e fotonan por haña un impreshon di e mainta.