WILLEMSTAD.- Un grupo grandi di muchanan di diferente skol a kuminsá ayera ku bishita na parlamentu i palasio di gobernador. Esaki ta den kuadro di selebrashon 70 aña statüt. E hóbennan di enseñansa di fundeshi for di ayera mainta tempran a pasa dor di e historia di statüt ku dia 15 di desèmber awor ta kumpli 70 aña.

E alumnonan a keda repartí den gruponan di 75 hóben i e aktividatnan kuminsá na Waaigat pa despues nan kana bai Wilhelminaplein kaminda nan a keda risibí pa entre otro minister di enseñansa van Heydoorn, nan a sigui pa edifisio di parlamentu, ‘speurtocht’ den Punda i bishita na Palasio di gobernador. E aktividatnan a terminá riba plenchi dilanti palasio di gobernador kaminda e hóbennan por a partisipá na diferente wega.

E skolnan ku ayera mainta a tuma parti na e rekorido asina rekordá 70 aña statüt tabata A.E. Goilo school. Ellis Juliana Sheila Karel, Tirzo Martha, Johan Maurits, Schotborgschool, Kolegio Erasmo, Maria Auxiliadora i St. Paulus College. Un total di 335 alumno kompañá pa 27 lider tabata den siudat ayera pa e bishita menshoná.

Awe djárason tin otro grupo ku tambe lo tuma parti na e selebrashon di 70 aña statüt. Riba e kombinashon di portrètnan un bista di e alumnonan di e diferente skolnan ku tabata den Punda ayera mainta.