WILLEMSTAD.- Durante di siman tras di lomba a sali algun video riba retnan sosial tokante un diskushon ku a para bira un bringamentu entre dos hende muhé mayor di edat i tambe un damita menor di edat na porta di skol.

E videonan aki a yega serka polis tambe kual mesora a kuminsá move riba e kaso.

Ayera alrededor di kuartu pasá di diesdos reshèrshi di VVC a detené un dama

relashoná ku maltrato i menasa ku a tuma lugá na un skol den área di Otrobanda.

Riba e dia en kuestion dos dama mayor di edat a maltratá i menasá un studiante menor di

edat na e skol ariba menshoná.

Detenshon di e dama sospechoso, M.F. nasé na Kòrsou di 21 aña di edat, a tuma lugá na

Warda di Reshèrshi

A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.

Polis ke pone bon kla ku no ta tolerá i ku ta aktua mesora na momentu di agreshon kontra

menor di edat spesialmente na nos skolnan.