WILLEMSTAD.- Korte a kondená e residivista N.M. na 12 luna di prizòn, di kual 6 kondishonal den otro kaso di trafikashon di droga. E akusado no a presentá den sala di korte pa responsabilisá su mes pa su akto, pero apesar di esaki a trata su kaso  den su ousensia.

Durante kontròl di duana na Hato, e personal a gara e akusado ku un total di 489 gram di koka den su tas di lomba. E tas tabata demasiado pisá i a hala atenshon di e personal di duana. Ora ku duana a kontrolá e tas mas profundo nan a mira ku e tas tabatin un bòm falsu ku tabatin e droga den forma di pasta. Mesora el a atmití di tabatin e droga den su poder.

Fiskal a haña e akusashon probá i a demandá e akusado na 12 luna di kual 6 kondishonal, ku un periodo di prueba di 3 aña, mirando su karchi kastigu ku tin basta delito penal ku el a kometé riba dje, tantu den pasado na Hulanda komo na Kòrsou.

Hues den su desishon a honra e demanda di fiskal.