Sindikatonan ke elevá diskushon pa elimina 12.5% riba nivel nashonal, asina e dirigentenan di e seis sindikatonan a duna di konosé un ratu pasá den Alameda despues di papia ku Konseho di Minister.

Na opinion di George Hernandez di ABVO, e gobièrnu aki no tin interes di ámtenar na pechu. Gobièrnu ta keda bisa ku e 12.5% ta mará na kondishonnan ku Hulanda a pone. Mester alsa e asuntu aki na nivel nashonal. Awe tardi mes ABVO ta bai papia ku nan sentral. Otro sindikatonan tambe a keda di papia ku nan respektivo sentralnan. E lidernan sindikal a bisa ku gobièrnu tin un huisio sumario pendiente, pero nan lo keda ku gana. A manda tur trahadó bai trabou awor aki. pero keda pendiente.

Trahadonan publiko i esnan igual ta bai Alameda

Update: Grupo maestro di skol si a bai skol bek, konforme palabrashon

Desishon a kai, a base di moshon presenta pa miembronan ku no ta papia mas i ta bai Alameda. Miembronan no ke para warda konvoi, tur ta bai riba propio forsa. Maestronan di skol ku a palabra ku nan lo ta bek na skol pa 10'or di mainta a bandona e reunion di e sindikatonan.

Vários miembro a lanta para den e reunion i pidi nan lidernan sindikal pa bai gobièrnu i si ta nesesario hiba lucha tenas pa kita e 12.5%. Di otro banda tin un moshon den sala i sindikatonan mester formulá e moshon. Mandato mester separá e eliminashon di 12.5% for di e lei di topinkomens. A skors a reunion pa algun minut pa despues present'e na sala.

WILLEMSTAD.-E kantidat di empleado na sede di PWFC awe mainta ta loke pa hopi tempu nos no a mira na kualke reunion òf manifestashon. For di e lugá di stashoná outo por nota ku e kantidat di hende ta hopi ya ku esaki ta kompletamente yen. EXTRA ta presente na e sitio i lo trese detayenan importante di e reunion aki.

Manera ta konosí seis organisashon sindikal a uni forsa i yama un reunion awe mainta den kua ta diskutí riba e 12.5% ku a kòrta di empleadonan publiko, tambe tin otro empleadonan ku pa hopi tempu no a mira niun adelanto ni insentivo den nan benefisionan laboral. Den enseñansa por a tuma nota ku asta esnan ku normalmente lo no bai akshon durante ora di skol a disidí ku awor si mester akudí na nan sindikato pa tende kiko ta e perspektivanan.