Relato polisial:

WILLEMSTAD. - Djamars 9 di mei 2017, alrededor di 15.28 or, polis a detené un sospechoso mas den e kaso di ladronisia ku violensia ku morto na Kaya Hematita, kual a tuma lugá dia 3 di aprel último. Detenshon a tuma lugá na sala di salida na aeropuerto. Ta trata di e hòmber:
S.J.R. nasé na Kòrsou di 21 aña di edat.
A presentá e sospechoso dilanti un fiskal ouksiliar ku a ordená su enkarselamentu pendiente mas investigashon.
Esaki ta e di dos detenshon den e kaso ariba menshoná. Dia 12 di aprel 2017 polis a detené e promé sospechoso den e kaso aki na un kas na Kaya Ehèmber.
Investigashon den e kaso ta kontinuá.
Kuerpo Polisial ta yama danki na pueblo di Kòrsou pa nan kooperashon, pa asina por yega na solushon di e kaso aki i otro kasonan pendiente.
Nos sa ku nos por sigui konta ku bo(so) kooperashon. Huntu nos ta logra un mihó Kòrsou.