WILLEMSTAD.- E konosido kantante di St. Maarten residensia na Kòrsou, Nando Browne a fayesé awe den oranan di mardugá. Nando kende a nase na St. Maarten i a krese na Aruba a bira konosí aki na Kòrsou pa su manera úniko di entretené públiko i prinsipalmente turistanan kaminda ku e presentá.

Nando a forma parti di diferente agrupashon musikal i últimamente tabata presente bou di e nòmber di “Nando Browne & the Fyah Band’. EXTRA ta ekspresá su profundo kondolensia na famia, amigu i konosínan.