WILLEMSTAD.- E prestigioso empresa spesialisá den tur piesa pa outo, NAPA, djabièrnè último a hasi entrega di premio di nan eksitoso kampaña relashoná ku Euro2024. E kampaña aki tabata konsistí di simplemente partisipá i gana.

E partisipante mester a hasi un kompra di 75 florin òf mas na NAPA. Seguidamente skòp e bala i yena dato riba formulario i asina tin oportunidat di gana e premio grandi kual tabata un “full car detaling”.

Dia 15 di yüli a hasi e rifa entre e gran kantidat di partisipantenan i dia 19 di yüli último a entregá e premionan na NAPA Saliña.

E ganador di e premio mayó tabata  Cendric Dossett, “car detailing” na balor di 750,00. A saka dos premio mas i kada unu a risibí un “giftcard” di NAPA na balor di 150,00. E dos premionan aki a bai pa Gwenny Visser i Charles Martina. Andy Hollander huntu ku otro representante di NAPA a hasi e entrega di e premionan na e felis ganadornan.