E siudat mehikano, Culiacan, ayera a biba momentunan di violensia ku enfrentamentu nan entre hòmbernan arma i forsanan di seguridat. E lokalidat ta situá den e estado di Sinaloa, unda e popular seri ‘Narcos’ a keda filma. Aki ta sede di e kartel krea pa e kapo di droga Joaquin ‘El Chapo’ Guzman ku aktualmente ta sera na Merka. E enfrentamentu aki ta produkto di detenshon of morto di un di e yunan di Chapo, Ovidio Guzman Lopez. Outoridatnan no a konfirmá ni desmentí e informashon. Gobierru di Sinaloa a pidi e poblashon pa no sali den kaya keda pendiente di e informashon ofisial.