Kuminsando 2 di febrüari; Kada dos siman

WILLEMSTAD.- Kuminsando djadumingu 2 di febrüari Nieuwe Haven lo ta sera pa e pueblo ban move; Kòrsou ta Move Djadumingu, ta título di e aktividat. Nos ta kòrda ku na prinsipio di gabinete Schotte tambe a sera Nieuwe Haven pa pueblo bai move i awor ta bin ku e gobièrnu aki ta bin bek ku e konsepto pero ku diferente atrakshon aserka.

Ministerio di salubridat, medio ambiente i naturalesa i minister di enseñansa, siendo, kultura i deporte ta anunsiá e inisiativa di  Kòrsou ta move; Djadumingu. E evento ta start 2 di febrüari i ta tuma lugá kada pasa siman i tin komo meta promové un estilo di bida i ambiente sigur pa rekreashon i deporte pa tur edat.

Kòrsou ta move; Djadumingu lo ta un plataforma úniko pa move, konekshon sosial i entretenimentu. E evento ta kubri mitar di Nieuwe Haven na e banda di tereno di Amstel ku ta keda sera spesial pa e meta aki. Lo tin diferente aktividat,m kaminata, korementu di baiskel i programanan di ehersisio.

E kaya ta keda sera di 5 or di mainta pa 10 or di anochi. Tambe lo tin aktividat pa mucha, entretenimentu di 9 pa 10 ku músika di Lady Ella i Grupo Ritmiko Sablika riba esenario.

Lo tin busnan di salu di ADC, konsehonan grátis di dietista di 4 pa 8 di anochi. Lo tin kos di kome i bebe pa tur bishitante. Por parker grátis riba e tereno di Amstel kaminda lo tin seguridat. Pa mas informashon i inskripshon por subi e wepsait www.korsoutamove.cw.