WILLEMSTAD.-  Presidente di parlamento di Kòrsou William Millerson ayera a ninga ku un parlamentario di Kòrsou a bira víktima di ladronisia ku violensia. E supuestamente notisia ayera atardi a sirkulá riba media sosial. Segun Millerson ta korekto ku un grupo di parlamentario e dianan aki ta na México pa un bishita di trabou. Pero niun di nan a wòrdu atraká. ‘Uniko kos ku mi a komprendé ta ku Meindert ‘Menki’ Rojer (Kòrsou di Nos Tur) a pèrdè su telefòn den un bùs. E no a wòrdu atraká, pero a laga su telefòn den e bùs.’ Segun Millerson Rojer no a sinta den un bùs ofisial pa e parlamentarionan. Pa e motibu ei, no por a yama e bùs bèk ora Rojer a realisá ku su telefòn tabata den e bùs. Millerson: ‘Rojer a pèrdè su telefòn. Esaki ta fèrfelu pa e parlamentario, pero danki na Dios niun hende a bira víktima di violensia.’