WILLEMSTAD.- EXTRA lo no aseptá mas ofensa komo komentario riba nos retnan digital. EXTRA ta duna e posibilidat pa por duna komentario riba nos publikashonnan.

Komentario semper ta bon bini, sea e hende ta di akuerdo òf no ku otro. Esei ta hasi sigur un diskushon sano. Pero e ta saliendo kompletamente for di man últimamente i EXTRA ta hañando basta krítika di lektornan ku ta protesta dikon nos ta laga e tipo di komentarionan aki keda riba nos ret digital/sosial. Ta trata di komentarionan ofensivo ku basta palabra malu.

Nos ke enfatisá ku tur hende no mester ta di akuerdo ku otro i krítika/ komentarionan ta semper bon bini pero nos mester kuminsá respetá otro, sin ta di akuerdo ku otro òf no.

EXTRA kier a pidi nos fiel lektornan pa komentarionan ta sin ofensa i tampoko palabranan bulgar, sino nos lo tin di bai over na tuma pasonan nesesario pa evitá ku esaki ta sigui tuma lugá.

Nos ta gradesí nos fiel lektornan ku a hala nos atenshon riba esaki i tambe na e komentarionan ku ta importante pa un hende por forma finalmente su opinion.