WILLEMSTAD.- E palmanan riba Pater Eeuwensweg i Helmien Wiels Boulevard ta laga kantidat grandi di rama bieu kai, pero ta parse ku no tin intenshon di hisa esakinan. Taksistanan ku ta trafiká ku regularidat riba e kayanan aki ta bisa ku e situashon ta un bèrgwensa pa pais. E ramanan ta kai abou i bientu ta supla nan den tur direkshon. Un taksista ku EXTRA  papia kuné ta bisa ku ta parse ku niun hende ta wòri ku e situashon. El a asta trata di tuma kontakto ku ministernan di GMN i VVRP, pero ta bisa ku e no ta haña kontesta. Esaki ta motibu ku el a disidí di aserká prensa pa asina hala atenshon di un situashon mahos i ku ta pone Kòrsou den lus negativo serka turistanan. Esaki miéntras ku turismo ta e pilá ekonómiko mas importante di pais.