WILLEMSTAD.- Awe ta nèt 1 dia promé ku bispu di Pasku. Esaki na nifiká ku ofisialmente nos ta den porta di e dianan di Fiesta. Pero apesar ku ta dianan di fiesta, esaki no ta nifiká ku lo no tin kontrol.

Nos tur ta konsiente ku durante e dianan di fiesta kaya ta muchu mas drùk, tin aglomerashon i bebementu na vários sitio. Mirando e medidanan ku Gobièrnu a implementá relashoná ku Covid-19. E aña aki hopi lo no por selebrá e dianan di fiesta manera nan a kustumbrá durante último añanan.

Extra a komprondé ku apesar ku ta dianan di fiesta e kontrolnan ta sigui  normal. Lo tin kontrol tantu den tráfiko, na establesimentunan i kaminda tin hende aglomerashon di hende. Lo efektuá e kontrolnan kambiando di personal pa asina miembronan di e tim di kontrol tambe por pasa dianan di fiesta den nan seno familiar.

Tur ku no kumpli i faya ku medidanan lo hanja un but den dianan di fiesta kual no ta nada agradabel.