Pa motibunan imprevisto i fuera di alkanse

WILLEMSTAD.- Pa motibunan imprevisto i fuera di alkanse di Servisio Veterinario, djadumingu awor dia 26 di mei 2024,  lo no por sakrifiká animal na Abatuar na Barber.

Ta spera ku e situashon aki lo solushoná den e dianan ku ta bini aki i ku pa e siguiente siman ku ta 2 di yüni 2024 e situashon a normalisá ku e aktividatnan por sigui normal.

Servisio Veterinario di Kòrsou ta pidi komprenshon pa e situashon ku a surgi i ta pidi diskulpa pa kualkier inkumbiniensia ku esaki por trese kuné.