No ta sigui ku kasashon den kaso Emsley Tromp

OM mes a bai a hala nan petishon pa kasashon aden

WILLEMSTAD.-Korte Komun di Hustisia den un desishon ofisial ta indiká abogado general Mr. Angela a informá korte ku ta hala aden e desishon di 20 di desèmber 2018, den kua a anunsiá ku lo kontinuá ku e kaso kontra dr.Emsley Tromp eks presidente di Banko Sentral. Pues Ministerio Públiko a anunsiá na korte ku nan no ta bai sigui ku e kaso kontra Tromp den kasashon.

…Eks direktor di banko Sentral Emsley Tromp

Esei ta un desishon di awe 8 di febrüari 2019, un ratu pasa ku EXTRA ta dispone di dje. Ministerio Públiko a kuminsá kaso kontra Emsley Tromp den kua a akus’é di a perhudiká e pais aki debí ku a yena su papelnan di impuesto robes i a asina a evitá di paga hopi mion florin na impuesto. Korte den Promé instansia i korte di apelashon a apsolvé e eks presidente di Banko Sentral kompletamente di tur kulpa. Den e veredikto di korte di apelashon wes a bai asta mas profundo a mustra ku OM ta kompletamente robes.

Ekspertonan real ku konosementu di impuesto tambe a splika for di e Promé momentu ku difísilmente korte lo por haña Tromp kulpabel. Na Promé lugá Tromp tabatin un ruling di inspektor di impuesto i na di dos lugá e tabatin un konsehero di impuesto rekonosé ku tabata yena su papelnan di impuesto.

SHARE

LEAVE A REPLY