... “E importansia di kalidat di Tap, ta e úniko motibu pa un di dos serbes di kalidat di esun promé. Heineken ta elaborá i ta enkargá di kalidat di e produkto i transporte for di serbeseria te e merkado i puntonan di benta, pero ta laga e último servisio na e konsumidó final esta e bartènder”.
I esaki tabata tarea di Aaron Alberto pa a mustra kon ta tap, hasié korektamente i pone ku el a yega te den e 10 nan den e kaso aki number 6 na Ulanda den e kompetensia di bartènder organisá pa Heineken. Aaron a representá Kòrsou i e mes a konta i duna un tremendo splikashon di kon ta tap korektamente.
Aaron, un hóben di 23 aña, super orguyoso i ku pashon hasiendo su trabou. Manera el a splika nos di Djasabra, bashamentu di Tap no ta sin mas, pero e tin di kana ku diferente protokòl. E ta un arte i ora kaba di bash’é e ta un kara di Heineken. Tur ta forma parti di e eksperensia komo konsumidó i pa e bendedó mes. Ta un proseso tòp manera el a bisa ku un sonrisa.
E pasonan pa Tap Heineken....
Aki na Kòrsou Aaron a bin ku e kompetensia di basha Heineken den diferente restorant i bar i nan di Pincho Garden a partisipá den dje. A saka e tòp 6 i a kompetí ku otro i asina el a sali komo ganadó pa bai Ulanda. Pa basha Heineken di Tap tin di tene kuenta ku 5 paso kual nan ta;
Rins
Basha
Skim
Chèk
Sirbi
Ku esaki Aaron a enfatisá un biaha mas ku no ta sin mas ta basha e Heineken pero tin di sigui e 5 reglanan ei pa asina por gana. I siguimentu di e pasonan ei bo ta haña e resultado ku Heineken ta ferwagt. Den e kompetensia tabatin 3 hurado ku a wak skèrpi skèrpi pa Tap e serbes mas perfekto posibel. I e pasonan aki tin otro nifikashon. Heineken tin Co2 tambe den dje konsekuentemente ora ta basha e serbes mester laga e skuma pak i asina e no ta saka e Co2 i e kalidat ta keda sublime. E kos ku e konsumidó ta pidi pe i e ta un sensashon pa e kliente.
Pa Aaron e kompetensia aki tabata masha importante ya ku el a konosé otro hendenan di paisnan ku nunka promé el a yega di mira ni nan bandera. Tambe e ta siña ku Heineken ta konektá ku henter mundu. For di Antártika te ku nort Pool, Heineken ta dominá. Por ehèmpel na Hapon tin un glas mas chikí i unu mas grandi i nan tin dos trago di kual unu pa e Soul i otro pa e Body. Esaki pa mustra kon kada kultura ta atendé ku nan bibida i sigur ku e Heineken.
Kòrsou su nòmber a resaltá....
I Aaron mester a laga Kòrsou su nòmber resaltá den e kompetensia. El a traha un vèst ku e bandera di Kòrsou i e tabatin esaki bisti den tur presentashon. “For di ora mi tabata strika e paña den hotèl, mi hemut tabata yena. Esaki pa mustra ku nos isla ta chikí pero nos kalidat ta haltu”, Aaron a bisa.
Aaron no ta bartènder di profeshon. E ta traha den negoshi di su mayornan ku ta Pincho Garden i e ta hasi sigur esfuerso èkstra den tur loke e ta hasi i esei ta den e Tapmentu tambe. Na Pincho Garden nan ta hasi tur kos, asta kushiná. I loke ta masha remarkabel ta ku no ta tur bartènder por Tap manera mester ta.
E ta haña Heineken un empresa super interesante. E no ta un bartènder pero e ke sigui si den e tapmentu i kisas den futuro bira un Tap Master pasobra e ta algu úniko. E ke sigui train i sigui partisipá pa e por trese Kòrsou tòg e promé premio. E sa ku e tabata poko nèrvioso durante di e kompetensia pero tabata promé biaha. E ta sigur otro biaha lo bai mas fásil i mas mihó pa e sali mas ariba ainda den e premionan.
Ta dura 28 dia pa traha Heineken....
Ku un pashon den su bos, Aaron a konta ku ta dura mas dia pa traha un Heineken ku pa traha un outo Ferrari mes. Ta dura 28 dia pa traha un Heineken. Heineken ta enfatisá riba kalidat. I den su bishita na Ulanda el a siña hopi, banda ku tabata promé biaha ku el a bia su so. I no tabatin nada mas mihó pa siña di Heineken. “Ta mas sabi so ma keda bira. Ta algu bale la pena. Mi a ferwaktu algu bon pero nan a surpasá mi espektativa. Mi ta gradesí e apoyo di Distribier pa mi por a bai representá Heineken den eksterior. Pasobra ta un pais mi a bai representá i no mi mes”.
Mi Kopa....
Pa Aaron e eksperensia ku el a haña den e kompetensia na Ulanda, tabata e premio di mas grandi ku e por a haña. Pe esaki tabata su kopa. Tambe e ta super gradesido pa e forma ku su famia a apoy’é. Nan ta apoy’é den tur loke e ta hasi. Su mama, tantanan, tata.....henter famia a sigui Aaron su pasonan.
Otro aña lo ta mas grandi...
Hidde Ooms account manager di Distribier ta splika ku nan ku Heineken ta invertí den kapasitashon di e personal di bar di manera konstante, inklusive asta a organisá un kapasitashon lokal di merkado. Heineken ta masha skèrpi ku su produkto i ta sòru pa e kalidat ta bon te ora e yega na e punto di benta i p’esei e bartènder ta esun ku mester sòru di basha e serbes korektamente pa e kliente haña e serbes ku el a pidi pe, un serbes di kalidat. Nan a yega na 12 bartènder ku a bai un kompetensia ku otro i un final di bartènder lokal. Loke pa nan Heineken ta masha importante ta, ku si basha e promé Tap di e serbes bon, outomátikamente e kliente ta bestèl e di dos serbes Heineken. Gana e final lokal manera Aaron a hasi a nifiká ku el a bai Amsterdam pa kompetí den e final global di Heineken bartènder kaminda Aaron a representá Kòrsou i Pincho Garden ku hopi orguyo kompitiendo kontra paisnan manera Malasia, Italia i asta Merka.
Esaki manera Hidde a splika no tabata un kompetensia komun di Caribe, otro aña Heineken i Distribier lo sigui invertí den mas proyekto den komersio, huntu ku un programa di kalidat mas mihó i un final lokal pa asina garantisá un eksperensia perfekto pa e konsumidó. Otro aña manera Hidde a splika, e kompetensia lo ta mas grandi, lo tin mas ku 12 kompetidor sigur. Ta purb’e yega na 25 empresa pa asina tin mihó bartènder pa ku e Heineken. Na Kòrsou e aña aki tabata e promé biaha ku e kompetensia i p’esei tabata importante pa tin un hende lokal di Kòrsou den e kompetensia na Ulanda.
Laga un komentario