WILLEMSTAD - Ministerio GMN a tuma nota di un notisia alarmante ku un matutino (No EXTRA) a saka, kaminda ta indiká ku tin sospecho di 300 kaso di AIDS registrá den un luna. Ministerio GMN ta refutá e informashon aki enérgikamente.

Ni na Ministerio GMN, ni na instansia i fundashonnan ku ta okupá nan mes ku e kuido di persona ku ta infektá ku HIV no tin niun indikashon di esaki. GMN ta lamentá ku dor di publiká informashon no korekto ta trese ansha innesesario bou di komunidat.