WILLEMSTAD.- Ayera a sali den medionan sosial e informashon ku lo mester tin detenido(nan) ku Covid den e sentro.

Bosero di SDKK Jabets Pinedo a desmentí e informashon aki. Bosero di SDKK a indiká ku no tin ningun kaso den e sentro pues no tin ningun detenido ku ta kore peliger.

Pa loke ta trata “Politie cellen” kual ta bou di maneho di Kuerpo Polisial di Kòrsou, bosero di KPC Imro Zwerwer tambe a indiká ku e informashon no ta kuadra ku realidat.

Mando di prizòn diariamente ta sòru pa tantu nan personal komo klientenan kumpli ku e protokòl di higiena mas tantu ku ta posibel pa asina evitá ku e vírus lo por bolbe drenta den e sentro manera tabata e kaso algun luna atras.