WILLEMSTAD.- Ta un situashon hopi tristu ku tin hende ku no tin ni un tiki amor pa bestia. A yega na nos mesa di redakshon un situashon kaminda un para ku ta ser yamá “Palabrua di Kòrsou” a keda tirá den su hala.

Segun eksperto den mundu di animal Stanley Ignacio, e tipo di paranan aki no ta para ku ta hasi hende nada. Si nan aserká bu mes, ta solamente pa yuda.

Nan ta bula solamente kaminda tin p.e djaka òf raton ku ta nan alimento. Lástimamente un persona sin eskrúpulo a tira e para aki ku konsekuensia ku no por hasi nada mes pe. Un supliká ta bai na tur persona pa por fabor no tira e paranan aki ni tampoko ningun otro bestia.

Si sigui tira e paranan aki kual por sierto ta skars, aki par di dia nos no tin ningun mas.