WILLEMSTAD – Awe a kuminsá trata e kaso di robo di 600 kilo di droga fo’i warda di reshèrshi na Kaya Jo Pinedo, kaso mihó konosí komo Inex 2.0. A bin sali na kla for di e dosié ku a keda presentá awe ku a interogá vários testigu anónimo. Lokual a resaltá i tabatin en komun ta ku kada bes nòmber di dos miembro di AT a keda menshoná. Algu ku sigur a sakudí Korte di Hustisia awe. Hopi ekspektativa tabatin pa e kaso aki ku sin duda ta sigui hala atenshon i awor ku informashonnan no bo ku ta bin dilanti. E kaso ta planiá pa keda tratá durante 4 dia. Den e kaso aki tin un total di 8 persona ku mester presentá dilanti wes. Entre nan e sospechoso prinsipal eks polis M. Mariano (32) ku sera akusá di tabata e “brain” tras di henter e robo.