WILLEMSTAD.- ‘Mi tin problema ku nos ta bai gasta un kantidat di miónes pa privatisá Konseho Supremo Insular. Na e momentu aki masha hopi hende na Kòrsou ta sklama. Pueblo ta bai Voedselbank pa haña kuminda. Pasobra hende no tin sèn.

Asina parlamentario pa partido Pueblo Soberano Jaime Cordoba a bisa ayera durante reunion di komishon sentral. Durante e reunion a deliberá tokante lei ku ta na kaminda pa independisashon di Konseho Supremo Elektoral (KSE).

Cordoba: ‘Nos tin ku stòp malgastá sèn.’ Cordoba ayera a bin ku hopi ehèmpel di mal gastamentu di sèn den e último añanan. Entre otro den SBZV. Segun Cordoba Pueblo Soberano semper a para pa no malgastá sèn di pueblo. ‘Pueblo Soberano a entrega un keho pa investigá e situashon na SVBZ. I e siman aki korte a disidí ku e hendenan ku a malgastá sèn tin ku paga kasi 5 mion bèk.’

Segun Cordoba parlamento di Kòrsou semper mester ta hopi alerta ku sèn di pueblo no ta wòrdu gastá. Tambe den kaso di privatisashon di Konseho Supremo Insular.