WILLEMSTAD.- Shamiro Anita su kantika nobo titulá ‘Nunka Entrega’ den un tempu rekòr di ménos ku 1 luna ta birando un hit riba Internet ku un kantidat inkreibel di mas ku 56.000 ‘plays’ (toká) via di e website https://soundcloud.com/shamiro-anita.
Shamiro tin komo meta pa enkurashá tur hende pa nan NO entrega nunka! Letranan di e kantika ta bisa “Mi no lo entrega, Mi lo sigui perseverá! Maske kon duru e bataya, lo mi tin viktoria den e guera. Den Dios mi soñonan lo realisá. Mi no lo entrega. Mi lo keda konfia. Maske ku mi faya na kaminda, lo mi lanta para i sigui purba. Dios lo yuda mi logra mi meta”.
Esaki ta un di e kantikanan di Shamiro su albùm nobo ku lo sali e aña aki. Pa mas informashon tokante di esaki bishitá Shamiro su Facebook Page.
Riba e potrèt por mira Shamiro durante un presentashon.