WILLEMSTAD.- Palabranan di Nuto Wawoe tabatin hopi peso I prueba di esei ta ku su soldanan tabata kumpli ku ordu tambe. Esei na su turno ta demonstra ku Nuto debidamente tabata un dje lidernan di NLS komo organisashon kriminal. Asina Ministerio Publiko a trese dilanti awe mainta den un di dos parti di su rekisitorio. Segun Ministerio Publiko, prueba di esaki a bini despues di likidashn di Latoya Flanders, frei di Nuto Wawoe. Segun fiskal, despues ku a bira konosi ku Latoya a keda asesina Nuto, impotensia, rabia i e deseo i sed di revancha a podera di Nuto, i esei ta algu ku por skucha den su ekspreshonnan. Segun Nuto, esun ku h.... ku su muhe no ta skapa, i e lo keda yag te ora ku e kome. Despues di morto di Latoya ta hopi morto den forma di likidashon a kai, i den esaki por menshona viktimanan manera Kimoy, Kevin, Omar Jones, Nino i otronan. Segun OM, Nuto tabata duna ordu i su soldanan tabata implementa, esei pa motibu ku e tabatin hopi bos, su bos tabatin peso.