WILLEMSTAD.- Enkuesta Nashonal Saku 2017 ta mustra ku 65% di esnan enkuesta ta sea obesitas òf peso di mas i pa kome e kustumber di kome ta laga hopi di deseá.

Pa por atendé e maneho i tambe sigui e desaroyo tin mester di konosementu di e situashon di salú di e poblashon. E Enkuesta Nashonal di Salú (NGE, 2017) ta duna un bista aktual di e situashon di salú, e estilo di bida i e uso di e fasilidatnan di kuido ku kada yu di Kòrsou for di 18 aña pa ariba. Tambe tokante laboratorionan, hòspitalnan, seguronan i satisfakshon di kuido. Uzando e datonan aki por ahustá maneho trempan.

Den e rapòrt aki ta haña resultado di e.o. nivel total, sekso, edat, preparashon.

Kaminda ta posibel ta kompará ku otro islanan den Karibe i Ulanda, tambe ku 2013.

Ku e reportahe aki ta kumpli pa di dos biaha ku meta di e investigashon di NGE: traha i monitoriá maneho di salu ‘evidence based’.

Situashon di salú

Salú:

75% di esnan enkuesta ta eksperensia salú komo (masha) bon, 20% mas o ménos, 5% (masha) malu.

37% tin un o mas malesa króniko. A sigui pa síntoma di Dengue, Chikungunya i Zika, preshon haltu, alergia, problema ku lomba. Keho ku depresividat 2%.

Aksidente:

Den e 12 lunanan promé ku e entrevista, 11% ta eksperensia un aksidente na kas, trabou, tempu liber òf aksidente den tráfiko. 5% aksidente den tráfiko, pa esnan di 18 – 24 aña: 9%.

Pa loke ta esnan ousente na trabou pa malesa e resultado ta bisa lo siguiente.

Adulto ku trabou pagá (12 luna promé ku entrevista) 43%: 26% 1 – 7 dia, 17% mas largu ku un siman.

Limitashon korporal:

9% ku bista, oido òf mobilidat. Limitashon ku mobilidat ta mas tantu, 8% di adultonan.

Limitá den kuido personal bou de 60 plùs:

3% bisti paña, kome nan mes, kuido personal, lanta for di stul, uzo di baño, baña; 15% di 60+ ku ta biba so tin problema ku aktividat kasero.

Estilo di bida

Doló:

9% tabatin doló den e kuater simannan promé ku e entrevista, 6% asta pa hasi loke ta aktividat normal.

Peso:

65% peso di mas o obésitas; 33% peso normal; 2% bou di peso.

Moveshon I deporte:

19% ta inaktivo (ningun dia den e siman promé ku e entrevista nan a bai kana, kore baiskel, hasi deporte 10 minüt pa siman). 22% training pa forsa.

Pa loke ta kustumber di kome e resultado ta proba un pueblo ku no ta kome Salú.

16% ta kumpli ku e norma di dos òf mas porshon di fruta pa dia; 14% dos o mas berdura pa dia. 29% ta bebe limonada tur dia, 41% ta kome fast food tur siman.