WILLEMSTAD.- Resientemente minister di Enseñansa, Siensia, Kultura i Deporte sr. Sithree van Heydoorn a bishitá dos skol den kuadro di e luna di seguridat sibernétiko, ku ta e luna di òktober. Durante di e bishita na Dr. Albert Schweitzers havo/vwo i skol di fundeshi Kolegio Berg Carmel a tene un workshop chikí ku e hóbennan.

Na e havo/vwo a dialogá ku e hóbennan i laga nan wak videonan di splikashon kaminda minister ta splika i duna informashon huntu ku mas kolega di ministerio. Na e skol di fundeshi a hasi weganan ilustrativo kaminda e alumnonan mester a protehá minister ta fungi ku e password i e funshonario tabata e ‘hacker’. Tambe a splika nan di diferente aspekto relashoná ku e mundu digital relashoná ku ‘Hackshield’ i tur e kosnan ku nos mester tene kuenta kuné na momentu ku ta subi e world wide side.