WILLEMSTAD.- Pa CASHA, e organisashon ku ta representá akomodashonnan chikí, empresanan ku ta hür outo, sentronan di buseo i aktividatnan, e luna di sèptèmber tabata poko mihó kompará ku ougùstùs.

Ounke ku e moveshon di turismo pa esun di ‘all in’, ku apesar ta sali for di e resortnan ta sigui persistí.

Tin hopi yegada pero poko ánimo pa Kòrsou. I loke por tende hopi den lunanan ku a pasa ta; unda e turistanan ta. Tambe segun CASHA por mira un kambio den largura di estadia di e turistanan. E turistanan di awor ta keda ménos largu ku esnan promé.

I banda di esaki tin  e echo ku e grupo chikí di turistanan ku ta skohe pa un akomodashon alternativo riba hotèlnan grandi i resort, awor tin mas eskoho ku 2 aña pasá. Semanalmente tin mas i mas akomodashon nobo riba merkado. Tur hende ta ripará esaki. Mester hasi mas limpiesa loke ta kosta mas sèn tambe.

E sifra total di okupashon ta 44%  akomodashonnan u ta miembro di Casha. Aña pasá e sifra total di okupashon tabata 67% pa akomodashonnan pa luna di sèptèmber, loke ta un diferensia grandi ku e aña aki.

Banda di e periodo kòrtiku ku wéspetnan ta keda, e turistanan ku ta bin di Oropa tin difikultat pa paga. Djis pensa riba Brazilië, Amérika i Colombia. Nan por stroba hende di bin fakansi na Kòrsou, loke ta un lástima.

E kompanianan di outo tambe a ripará kambio di outo regular ya ku e turista ta hür pa 2 òf 3 dia. E sifra di okupashon pa sèptèmber serka nan ta di 38%. Aña pasá e sifra di okupashon serka e kompanianan di hür outo tabata di 75% pa luna di sèptèmber.

Den total por papia di un sifra di okupashon di 50% serka e sentronan di sambuyá loke ta mihó ku ougùstùs. Pero tambe nan ta konosé hopi reservashon pero ku despues ta keda anulá sin motibu. E sifra di okupashon serka sambuyadónan aña pasá tabata 60%.