Resake lo sigui kousa laman un poko brutu

Shelu lo bira un poko mas nublá den oranan di awe mainta i tin posibilidat pa un áwaseru lokal.

E situashon general, ta un ola tropikal situá riba parti oriental di Karibe lo transkurí nos region durante e próksimo oranan i lo mantené kondishon di tempu favorabel pa desaroyo di nubia riba nos region. Djárason sinembargo ta eksistí un chèns mas grandi pa awa kai. Di otro un banda, resake lo sigui kousa laman un poko brutu lokalmente serka di e kostanan nort i ost di Kòrsou.

Temperatura máksimo lo alkansá 33 ºC, i temperatura mínimo di 26 ºC.

Bientu lo ta for di direkshon generalmente ost i moderá te basta fuerte; forsa 3 pa 4 (12 pa 30 km/ora, 7 pa 16 nudo).

Kondishon di laman ta trankil te moderá ku altura di ola entre 0.5 pa 1.5 meter (2 te 4 pia). Laman na kostanan nort i ost lo ta mas haltu entre 1 te 2.5 meter (3 te 8 pia).

Solo ta sali 06:28 i ta baha 18:11.

Perspektiva te djaweps atardi, ta un shelu parsialmente nublá ku algun áwaseru lokal.

E pronóstiko di tempu pa Kòrsou i bisindario lo ta bálido te djárason atardi 6 or.