WILLEMSTAD.-  Ministerio Públiko ta informá ku resientemente a ekstraditá e persona M.K nasé na Ukriana dia 3 di desèmber 1974, pa Merka. Funshonarionan di Divishon Kriminalidat Organisá (DGC) a traspasá M.K. na aeropuerto Hato Kòrsou pa e US Marshalls di Merka. E la sali ku un avion ku a bini speshal pa esaki bou di supervishon di e US Marshall nan. Dia 22 di mei 2018, Korte Komun di Hustisia a duna un konseho positivo riba e petishon di ekstradishon di Merka.

M.K. a bai den kasashon kontra di e konseho positivo aki. Korte Supremo a rechasá e apelashon pa medio di e aresto di 22 di Aprel 2019. Gobernadó di Kòrsou a deklará e ekstradishon atmisibel. M.K. ta ser sospechá dor di outoridatnan merikano di konspirashon i/òf intento di distribushon/eksportashon/importashon di droga.

M.K. a keda detené dia 3 di yanüari 2018 despues un órden di aresto di e US District Court Southern District di New York, ku intenshon pa ekstradishon pa Merka i dia 31 di mei último a ekstraditá M.K, pa
Merka.