WILLEMSTAD.- Awe e promé persona ku un kantidat di but habri a kai sera.
Awe durante un kontrol regular den tráfiko polis a bin topa ku un shofùr ku glas skur, sin reibeweis I sin un identifikashon. Ora a sigui ku e kontrol a bin ripara ku e hòmber aki tabata tin vários but habri, totalisando un montante di 5.790 florin. Fiskal di Ministerio Públiko a ordená mesora su detenshon i a traslad'é mesora pa prisòn. E tin ku sinta 1 dia pa kada 50 florin di but habri. Ta trata di e hòmber J.G.U. (1994).
Ministerio Públiko ta kontinuá ku e maneho aki. Esun ku no paga su butnan, i a risibí amonestashon, ta kore riesgo di keda detené pa e hecho ku no a paga butnan habri.
*Korda paga bo but na ora*

Detayenan amplio di e kaso aki den korant EXTRA mayan mainta.

FOTO: File