WILLEMSTAD - Ministerio Públiko a kaba di emití un komunikado di prensa den kual ta suministrá fotonan di e dos sospechosonan den krímen fatal algu siman pasa. OM ta hasi un yamada na públiko si tin informashon pa duna esaki.

Ken e hòmbernan riba e pòrtrètnan aki ta? Unda nan ta kedando? E hòmbernan riba pòrtrèt tabata envolví den e tiramentu dia 25 di yanüari 2018 den serkania di diskotèk Spoonz den Saliña.

Ministerio Públiko (OM) Kòrsou i polis di Kòrsou (KPC) ta pidi bu atenshon special pa man robes di un di e sospechosonan ku tin tatoo riba dje. Tambe e sospechoso ku dia 25 di yanüari 2018 tabata tin un maton largu i fini riba su garganta.

OM ta enfatisá pa no tuma akshon bo mes. Nan ta peligroso i posiblemente arma. Duna bo informashon via telefòn 911 òf kompletamente anónimo via 108. Den edishon di EXTRA mayan lo tin mas detaye.