WILLEMSTAD.- Ayera riba Dia di Asunshon, Kuerpo polisial di Kòrsou den koperashon ku Ministerio Públiko a tene un kontròl di tráfiko i alkohòl na altura di warda di polis Rio Canario. Durante e kontròl aki a para 122 outo i a skibi 42 prosès verbal pa diferente echo kastigabel.

Inkreibel pero bèrdat ku ketu bai tin asina tantu hende ta hasi nan mes kulpabel na e echonan kastigabel aki manera stürmentu bou di influensia di alkohòl, loke ta un delito, dunamentu di nòmber falsu, falta di plachi di number, glas muchu skur, falta di pago di impuesto di karetera i korementu sin seguro bálido. Ministerio Públiko i polis ta indiká ku e kontròlnan aki lo sigui ku mas frekuensia i ta hasi un apelashon na komunidat pa sea konsiente. Si bo ta bebe, no stür!