WILLEMSTAD.- Entrante 1 di desèmber 2018 ta drenta un instrukshon nobo na vigor relashoná ku delitonan di Opio.Ta trata di un instrukshon di Prokuradó general (PG) pa tur fiskal di Ministerio Públiko den Karibe (OM Karibe), esta di Kòrsou, Sint Maarten i islanan BES relashoná ku delitonan di Opio.

Ta trata di un instrukshon ku ta regardá kon fiskalnan tin ku atendé ku demanda den korte ora ta trata sospechosonan di delito di opio manera heroina, kokaina, XTC i mariwana i su derivadonan. E instrukshon ta trata tambe kon pa trata ora ta trata un “first-offender” òf un residivista.