Mas i mas ta drentando denunsiánan serka polis enkuanto entre otro distribushon sin pèrmit di

potrètnan ku desnudes i videonan di ku aktonan seksual. Plamamentu rònt di imáhennan pornográfiko ta un echo kastigabel pa kua hues por imponé un kastigu di prizòn. Ponementu di e tipo di potret i videonan aki riba medionan sosial ta birando kada dia mas komun por ehèmpel despues ku un relashon amoroso ku a kibra. Mester ta kla ku esaki ta un kiebro grandi riba privasidat di víktima.

Ministerio Públiko ke pone un paro na e práktikanan aki i pa e motibu aki a trese e luna aki un kaso dilanti Korte kaminda un sospechoso a manda fotonan ku desnudes via di medionan sosial pa doño di trabou, koleganan i amistatnan di e víktima. E sospechoso a haña pa esaki di un kastigu di prizòn kondishonal i no kondishonal huntu ku un kastigu di trabou. Ministerio Públiko ta alertá un i tur pa anda ku koutela, sigur ora ta trata sakamentu di e tipo di fotonan aki. Ademas Ministerio Públiko lo sigui duna di su parti hasiendo e esfuerso nesesario pa hiba e tipo di kasonan aki Korte.

LAGA UN KOMENTARIO

Please enter your comment!
Please enter your name here