WILLEMSTAD.- Ministerio Públiko a disidí pa apelá e sentensia di djárason 5 di yüli 2017 den kaso di OM kontra sra. Jacintha Constancia. Manera EXTRA a informá kaba, den e kaso aki defensa tambe a anunsiá ku e ta apelá e sentensia.

Motibu ku OM ta apelá ta e echo ku Wes a husga ku Ministerio Públiko ta no-atmisibel (niet-ontvankelijk) pa loke ta trata menasa di sra. Elsa Rozendal komo ku, segun Wes, menasa ta kai bou di imunidat parlamentario.

OM ta apelá tambe e veredikto pa loke ta trata e kastigu di 80 ora di trabou na benefisio di komunidat.