WILLEMSTAD.- Djasabra 23 di desèmber e kompania Unicomer Dutch Caribbean Group (OMNI, Optica OMNI & Radio Shack) a hasi dos instansia super kontentu. Kaminda nan a hasi donashon na Fundashon Guia Eduká i Firma (Kas Bruder Pius) i tambe Kas Hugenholtz - Sentro pa Demensia.

Marketing manager pa pais nan BCX señor Eugene Valpoort a enfatisá ku ta sumamente importante komo kompania pa duna bèk na komunidat, no solamente hasi negoshi pero saka un man yuda kaminda tin mester i esei lo ta e kompromiso tambe pa e aña nobo. Valpoort: “nos a skohe dos instansia pa asina nos lo por a hasi un donashon di nan nesesidat, e promé instansia ta Fundashon Guia Eduká i Firma (Kas Bruder Pius) kaminda nos a hasi donashon di un wasmashin i tambe un radio portátil grandi. E fundashon aki ta brinda hospedahe temporal na mamanan adolesente en espera i mamanan ku beibinan. Edat ta varia entre 12 pa 17 aña kaminda e hóbennan aki ta haña guia, sosten i protekshon serka e fundashon su profeshonalnan”.

Tambe e kompania a hasi un donashon na Hugenholtz - Sentro pa Demensia di un Smart

TV 4k Ultra high definition. Loke e fundashon aki tambe ta hasi ta impagabel kaminda ta duna kuido na vários persona ku demensia aki na Kòrsou.

Di e manera aki Unicomer komo kompania kier a gradisí komunidat pa e konfia

nsa i ta deseá pueblo di Kòrsou un felis kambio di aña i por sigui spera mesun bon servisio di su staf i pèrsonal i tambe bon kalidat di produktonan i ku por sigui konta ku nan kompromiso na komunidat.