WILLEMSTAD. – Manera EXTRA a informá ku Bahia Santa Anna lo ta hopi okupá e simannan benidero ku kruseronan i tambe tankero i barkunan di kònteiner. Pa loke ta trata e barkunan krusero tin un itinerario basta okupá te dia 31 di òktober benidero.

E barkunan ku Curaçao Ports Authority (CPA)  aktualmente ta trese Kòrsou, ta pa servisio i “lay up”, kual ta benefisiá operadornan den haf ku entre otro “bunkering”, mantenshon, residuo, awa, kuminda, transporte etcetera.

Riba e foto kompañá ku artíkulo aki por tuma nota di e moveshonnan ku tin dilanti Bahia di Santa Anna.