WILLEMSTAD - Kòrsou ta paga aproksimadamente 15 mion florin pa operashon ku Wardakosta ta brinda den Karibe. Esaki ta para den e plan di aña 2022. E gastu total pa operashon di Wardakosta ta alrededor di 100 mion florin. Hulanda ta kontribuí ku un suma di 70 mion florin i sobra 15 mion ta keda repartí entre Aruba i St. Maarten. E montante mas grandi, esta 50 mion florin ta bai na mantenshon i 30 mion ta bai na pago di personal. Aparte di tur e montantenan aki, ainda tin 40 mion pa otro invershonnan i mantenshon di Metal Shark.

E parti di Hato i e kapasidat di patruya aéreo ta keda finansiá kompletamente pa Hulanda.