WILLEMSTAD. - Marcha di Seú Mayó lo ranká sali djaluna 2 di aprel benidero pa eksaktamente 10’or di mainta for di Tesoro Plaza na Rooseveltweg.

Promé ku salida outoridatnan lo hasi un chekeo pa kontrolá si tur vehíkulo i otro material manera entre otro ‘brandblusser’ ta rospondé na eksigensianan stipulá.

Den e kuadro aki Fundashon Seú ta urgí tur Lider di Grupo pa ta presente ku nan vehíkulo por lo ménos 2 ora adelantá na nan punto di salida.

Pues, for di 8’or di mainta. Direktiva di Fundashon Seú ta konta ku koperashon di un i tur pa asina garantisá un Marcha di Seú eksitoso.