Ta eliminá lei seku entrante djarason awor

WILLEMSTAD.-Premier Eugene Rhuggenaath den un konferensia di prensa un ratu pasá a yama danki na e gran mayoria den komunidat ku ta tene nan mes na reglanan den kuadro di Covid-19. Ta danki na esnan ku a kumpli i komportá nan mes ku awe por a anunsiá suavisashon di medidanan ku a tuma anteriormente. Premier a informa ku tur suavisashon di medidanan ta drenta na vigor entrante djarason awor 13 di yanüari.

E kambionan ta bira ku “toque de queda” ta kuminsá 11’or di anochi i ta dura te ku 04:30 di mardugá. Lei seku ta keda eliminá ku eksepshon den kasinonan. Restorantnan por keda habri segun nan pèrmit te 10’or anochi pero tur kliente mester sinta pafó. Ta pafó so restorantnan por sirbi nan klientenan. Trùk di pan por habri di 6’or atardi pa 10’or anochi, Botikanan por keda habri te 11’or i transporte públiko por operá te 11’or anochi.

Kòrsou ta un eksepshon den mundu pa e forma ku a logra kontené ku e vírus ta plama. Mas detaye den edishon di EXTRA.