WILLEMSTAD.- Segun e sentro di orkan nashonal di Merka, orkan Irma awe a bira kategoria 5. Un orkan sumamente peligroso ku bientunan di 280 kilometer pa ora. Awe mainta e tabata situá na 670 kilometer ost di St. Maarten i moviendo direkshon west. Ta antisipá ku pa mayan mainta e lo pasa hopi serka di Isla Riba. Isla Riba ta den preparashon miéntras ku asta Florida ta preparando tambe si mira e direkshon ku e orkan ta bayendo, e lo yega einan.