WILLEMSTAD.- Orkan Irma a kousa daño signifikante na isla di St. Maarten. Kasnan destruí, edifisionan destruí, outonan ku tabata bula bai bin manera papel, kònteinernan na e haf di kònteiner ku a zuai di aki pa aya riba otro. Un bista hopi tristu e orkan Irma, kategoria 5 a laga atras. Un orkan konsiderá komo esun mas peligroso i mas desastroso den historia di St. Maarten. Riba e foto aki ku nos a keda suministrá pa Marina por mira di ariba daño grandi na kompleho turístiko, no a keda ni un palma, daknan a bai. Un tristesa total. E isla ta pa gran parti sin komunikashon miéntras ku UTS ta preparando su tim pa bai kuminsá traha riba esaki.