WILLEMSTAD.- Ayera un habitante ku tabata den área di Molinanan na Playa Kanoa a tende un kachó ta yora den mondi. Ora el a bai buska pa wak kiko ta pasando el a topa un kachó sera den un tas, ku pa kolmo ta pèstá ku muskita. Un akto mas di maltrato/abusu kontra bestia.

Manera Mahatma Gandhi a bisa, "E grandesa di un nashon por keda husga atraves di e manera ku bestianan ta keda tratá."

Anto pa bai aun mas leu, di akuerdo ku investigashonnan ku a keda hasí na Merka, abuso kontra bestia ta konektá ku violensia entre hende. Abuso kontra animal den forma di negligensia ta mayoria biaha e promé indikadó di un problema, paso e persona ta sea karesé di empatia òf tin problema mental i esaki ta reflehá bèk den komportashon violento kontra hende.