WILLEMSTAD.- Ayera 7 di yanüari a tuma lugá e tradishonal Dia di Fuik.

Un selebrashon ku a bira un tradishon ya pa hopi aña.

Durante di e dia aki tur e fanátikonan di boto, seadoo i otro vehíkulonan di awa ta bini huntu i pasa un dia plasentero.

E aña aki komportashon di públiko a bai hopi bon.

Apesar ku tòg tabatin algun insidente ku tabata rekerí atenshon di outoridatnan. Tabatin diferente grupo di polis, duana i tambe wardakosta pa mantené órden públiko.

Tabatin 1 Sea-Doo ku a pega den baranka na altura di Sta. Barbara Resort i ku CITRO mester a tou esaki.

Tambe tabatin 6 boto ku a haña nan ku difikultat riba laman i ku tambe CITRO a duna un man pa tou esakinan.

Na final di e dia un boto kargando 6 pasahero lo mester a bòltu.

Mesora CITRO a presentá pa bòltu e boto bèk i tou esaki miéntras ku wardakosta a reskatá e 6 personanan ku tabata abordo.

Riba e kombinashon di fotonan por mira e ambiente ku a reina na Fuik.