WILLEMSTAD.- Un biaha mas polis ta pidi búskeda di e hóben,  Shargionny Christina, nasé na Kòrsou, di 15 aña di edat.  For di djaluna último alrededor di mitar di diesun di mainta, Shargionny  a sali for di  tereno di skol na “Justitiële Jeugdinrichting Curaçao JJIC, (ántes G.O.G.) i no a regresá.

Na momentu ku el a bai e tabatin unifòrm di skol bistí, un poloshirt shinishi ku krag hel i un karson di jeans blou skur,  na su pia un kèts di marka “New Balance” kolo ros, blanku i bou skur.

Shargionny tin e siguiente deskripshon:

Haltura: 1.59m

Postura: normal;

Koló di kueru: maron skur;

Kabei: krul/maron skur;

Koló di wowo: pretu;

Forma di kara: oval.

Polis ta supliká tur hende ku por duna kualke informashon tokante di Shargionny pa tuma kontakto ku polis na e number di telefòn 917 òf na e number anónimo 108.